السلام عليكم ورحمة الله وبركاته دورت ع كيف نوصل فيك ماعرفتش كيف نبي نسألك ع النظاره نبي اسمها اي ماركة والعدسه ومن وين ياريت ترد عليا ضروري 🫣

راس مالي 2000ونبي نبدأ مشروع .معنديش اي خبرة ف المجال...تشجعت لما سمعت فيديوهاتك ارجو النصيحة

افتح بث هذرز علينا

اسأل الله أن ينير قلبي وقلبك بطاعته، ويلهمني وإياك ذكره وشكره ويرزقنا الإنابة إليه وحسن التوكل عليه، ويؤتينا في الدنيا حسنة وفي الآخرة حسنة ويقينا عذاب النار... واسأل الله أن يستجيب دعائي وما تدعو به في هذه الساعة ويقضي حاجتك وييسر أمرك❤️‍🩹

وينك غايب معاش نزلت ﮼﮼﮼ بالتوفيق يارب

امتى بتجاوب ع الاسئلة 😀

السلام عليكم ورحمة الله وبركاته ممكن تعطينا أقوى طريقة نقدروا نأمنوا بيها حساباتنا على السوشيال ميديا بالذات لشخص عنده صفحات وحسابات للخدمة اغلب الاجراءات المعروفة مطبقهم بس مزالت عندي كل فترة محاولات اختراق او نلقى في اجهزة اخرى مسجلة دخول لحسابي

وجه رسالة لزوجتك المستقبليه 🤣

مزال مش ح ينزل فيديو الإجابات ع الأسئلة 🥲🙂

نستنى في تخفيض يا دكتور في كورس نبيه وضروري ديرها كبيرة معانا

ليش حذفت حسابك على الفيسبوك ؟

هالو خاطري هلبا ندير معاك مقابلة شخصية😃 ف بنستغل الاخبرني وبنسألك شوية أسئلة كيف تحب تعرف علي نفسك ؟ شن الشي اللي يلهم ف الدكتور أحمد ؟ كيف تعاملة مع الفشل في حياتك وكيف قدرت توقف علي رجليك من جديد شن كان الباور الداخلي ؟ بعد هلبااا وقت كيف تحب الناس يتفكروك ؟ شن الخطأ اللي درته وتعلمت منه درس لليومنا هدا ؟ شن الشي اللي دير فيه اول ماتفتح عيونك من النوم ؟ لو كانت عندك قوة خارقة شن تختار. تكون ؟ لو رجع بيك الزمن شن الشي اللي تغيره في مسيرتك ؟ لو جاتك فرصة تعاود تجربة قديمة او مغامرة درتها ف حياتك شن ح تكون ؟

الناس يلي يكتبوا انه يبو كل شي بالبلاش خاطري نفتحلهم الاغنية المصرية متع كلووو بالفلوس حبي بالفلوس راحة بالفلوس ضحكة بالفلوس همي بالفلوس غمزة بالفلوس كلووو بالفلوس 😂

اهلا خوي احمد اني من المتابعين القدماذ لكن بصمت علي قولتك نبي نشترك في دورة من دوراتك لكن مش في القوت الحالي بس وقاعد نتابع فيك ومشكله ماعرفتش اي دوره نشترك فيها لو تنصحني بشي يدلني عالظوره المناسبه ليا وشكرا مقدما علي المعلومات اللي تقدمها في قناتك وتساهم في جهدك ووقتك وشكرا

مش حنزيد لا حنعاود كلام كتبوها معظم الشباب لكن ياخوي كنت سبب من بعد الله في فتح عدة مصادر دخل ساعدتني سوا بالكورسات اللي دخلت فيها معاك او بالنصايح اللي اقل مايقال عنها انها ذهبية ماتقدرش بثمن اني نطور من نفسي ربي يفتح عليك يرزقك من واسع فضله انسان ونعم ماتعرف واضح صريح واقعي صفات هذي ماتمشي معا اغلب الناس الا مارحم ربي زي اللي كتبلك قبل شوي

نبو تخفيظ يادكتوور 😁

دكتور لو حد جوازه اجنبي ( عربي طبعا ) يقدر يفتح حساب دولار ف مصرف زي النوران ملاحظة خير مايصير فيها جو العنصرية انى ليبية وعندي جواز من دولة تانية ليا فوق 6 شهور جوازي الليبي طايح الصلاحية وواقفة باش نطلع الجواز ع إضافة اسم الى اللقب يعني لقب مركب يبدأ ف منظومة الجوازات و لتوا ما عدلوا شي مع ان درنا الوثائق كلها (# ماعنديش واسطة )

السلام عليكم ورحمة الله وبركاته ان شاءالله تجاوبوني يا دكتور أنا محمد طالب سنة ثالثة طب بشري جامعة بنغازي المهم يا دكتور جزاك الله خيرا ، وان شاء الله ربي يبارك لك في رزقك اولاً يا د. أحمد شنو هي المعلومات و الشروحات المجانيه لك او موقع او اي شيء مفيد ويا د. احمد انا توا حايس بين دراسة الطب و لغتي English ضعيفة جدا ونبي نخدم وماعنديش مواصلات و لا راس مال و نسكن في ضواحي بنغازي وانا نبي نشترك معاك ان شاءالله لكن مزال ما قدرتش بسبب الضغط اللي علي وكثرة التفكير والضغوط ولكن هذا مش عذر بالعكس هنا وين قعدت نخرج من دائرة الراحة ونفكر في حلول ، ولكن ما نبيش الوضع يستمر هكي لان هكي قعدت حايس بين كثرة الأفكار والتخصصات والحرف والمصادر المختلفة ومانبيش نتشتت اكثر من هكي فانا حايس ومش عارف شنو نتعلم او شنو اندير علما باني مش كسول وملتزم مجتهد وهذا من عند ربي الحمدلله ، ولكن ماعنديش اي ميول او حب لتخصص معين اهم شيء عندي نبي دخل والامانه والحلال في ذالك لاني نبي نعف نفسي ونصرف على روحي ،ويا دكتور انت عندك موقع ولا شنو معش فهمت الحق ولا هذا شور الناس الي مشتركة معاك ؟، وياريت يا دكتور كان فكرت تجي بنغازي نزل خبر عالتيليجرام وبارك الله فيك واسمحيلي على الاطالة وشكرا على وقتك والسلام علىكم ورحمة الله وبركاته

والله الي ما يعرفكش يجهلك يا دكتور ، و بارك الله فيك على كل شي شهاده بالله انسان يحب الخير لـ غيره والي يقول دار كل شي بـ مقابل مع احترامي انت جاهل و الفرص يخطمو قدامك و انت حال دقنك و يعطيك فيهم على طبق من ذهب ، معاش فهمناكم الشي المجاني ما تشوفولاش و الي بالمقابل تعيطو عليه🤝🏻

السلام عليكم والله يادكتور شن بنقولك حبيت نشكرك الحق على مجهوداتك معنا وانا متابعك من فيديو درون من سنة 2020 والحمد لله بفضل الله ومن ارادشادتك ونصائحك انا صاحب 4 متاجر وعندي 5 موظفين حاليا وشهرتي الحمد من 7 الالف الى 15 الف وبارك الله فيك كل شكر وتقدير لك

دكتور شن افضل حاجه لما عرفتها فرقت معاك هلبا ومنور والله يرحم والديك عل معلومات

بيني وبينك اكثر حاجة ملفته فيك انك ذو مروءة وذكي وتسعى لما يرضي الله وفيك كل صفات الرجولة والحاجة هادي مش ديما تلتقى في حد فأنت انسان قيم جدا طبعا هذا ما تعتبراش مدح لأنه حقيقي وعارفة انك تعرف هالشي فقط قلت مجرد مشاركة لأن ماعنديش اسئلة

كان تقوليي هدف emrld و Dci في الارتفاع من وجة نظرك وعلي مسؤوليتي شخصية ، وعلي فكره ناوي نخش للمجال لكن مالقيتش شي يشجعني في اكتر من شخص لكن فترة الاخيرة راجعت كلامك وانسجمت معاه وخشيت وفي اقرب وقت كورس بتعك مناخده وللعلم قناتك علي تلقرام عاودتها من اول مانشرت فيها لليوم بالتوفيق وسداد دكتور احمد

اريد اخبرك انك رائع وذكي ولكن لا تنسي فضل الله عليك وتصبح انسان مادي لا يھمة إلا المال تذكر انك من مجتمع يعتبر اغلب افرادة فقراء و مُدّ لھم يد العون بدون مِنّةً او جزاءً رأيت مؤخراً انك اصبحت تطلب على كل مساعدة مقابل مادي و اھملت الجانب الإنساني لا تنسي يوماً لا ينفع فية مالٌ ولا بنون إلا العمل الصالح ...موفق مُسدد بإذن الله...تحياتي ليك

كتبت هلبا كلام وبعديين مسحته … وشي يلي مشجعني نكتبه كلام ان هويتي مش هتطلعلك ، بس خلاص يقعد كلام بيني وبين نفسي ، نسأل الله عظيم ان يوفقك .

من خيره الناس والله ربي يحفظك دكتور

دكتور لقيت تاجر مصري يبيع في ستوكات ماركة جملة قتله ناخد منك قالي به شوفي سياسة بلادكم علي دخول ماركات قلل وبعدين نبعتلك عالبر وقالي في واحد عندكم قوي يجيب من الصين زعما يحكي عليك هههههه مهم نبي نعرف شن سياسه وكيف نضمنه تاجر مش نصاب

Do you ask yourself why you are so special

سؤال يادكتور احني مقبلين على 2025 هل تنصحني نكمل في الطب بما اني قاعد فب البداية أو في تخصصات أقوى حاليا نصيحتك ليا

دكتور احمد شنحالك شلمور اول حاجه ربي يباركلك في رزقك وع النصايح اللي تقدم فيها، نسئل الله ان يوفقك في باقي مسيرتك ومن تقدم لتقدم ان شاء الله وان شاء الله الفتره الجايه حنكون واحد من الطلبه عندك في الكورسات

تعليقات منذ سنة 😅 مهم يادكتور امتى البول الرن او ال الت سيزون مصطلحات خربانة شوية المهم امتى بترتفع ال Dci 😂 ؟

شن هوا كورس المواقع هذا 😅

شن هوا كورسات المواقع؟

باللهي ي دكتور شرايك في فايفر قصدي يطلع مدخول ؟ مجربه انتا ?

حامل لواء التغيير المادي... غيرت من نفسك وساعدت الناس على التغيير... شخصية تستحق لقب افضل صانع محتوي مفيد في ليبيا 🇱🇾

من خيرة الناس والله

انت المعني الحقيقي لي اخدم بذكاء وليس بجهد.... ثاني شيئ اجرك عند الله عظيم لان خيركم من تعلم العلم وعلمه ثالث شيئ حافظ على تواضعك وساعد راقد الريح وربي يعينك ويوفقك ويبارك فيك

والله مدري شخبرك، بس أبغى ايفون

موفق ..عندي استفسار بسيط هل ترغب ف فتح فروع ل صيدليات خارج طرابلس؟

بارك الله فيك دكتور

متوفر السيروم بسعر جملة ؟ او كيف نقدر نستفسر اكتر عليه

متابعك من زمان وأنت دائماً تعطي نصائح للشباب وتحث فيهم على تكوين انفسهم في سن صغير وتحث فيهم على الخير.. والرسول صل الله عليه وسلم يقول أحب الناس إلى الله انفعهم للناس.. ربي يجازيك عنا خير الجزاء ويجبر بخاطرك ويفرح قلبك.. ودمت بأحسن الأحوال..

منور ربي يحفظك دكتور

عيل

كان Emrld وصلت 0.1 عندي ليك هديه قويه

السلام عليكم نبي نسال علي كورس الاعلانات متوفر ؟ وبكم ؟ مشكور 🌹

بتعطي كورس الاعلانات مجانا مع كورس الموقع؟😍

كيف مخلصك حق الكورس ب usdt ؟

دكتور كورس الاعلانات الممولة نقدر نستغني عليه و ناخد كورس البيع ع الموقع الخاص بيك ؟ يعني نفس الشرح الزوز ع الاعلانات الممولة ؟

السلام عليكم دكتور بالنسبة لكورس الاعلانات هل نقدر نستفيد منه في تسويق تطبيقي لدول خارج ليبيا ولا الكورس مخصص فقط لاعلانات المنتجات

دوك ياغالي حتزبطني من كلامي 👀🤣 المهم نبي نعرف شن هو المنتج اللي نزلته امس واليوم السيروم هذا ولشنو يستخدم وهل فعال او لا ؟

عادي نمشي نخطبك وتوافق نحكي بجد راهو

خديت معاك كورس امازون من اول مفتحت فيه لاكن فشلت حسيت موضوعه صيني خص نص موضع البضاعه متطلعش ف المستوى خفت من الرفيوهات السلبيه ب التريس فيه مدخول قنين ولالا وشن رايك ف أيوب الي ف الصين قال يشوف ف جودت البضاعه تنصحني بيه ولا نقعد ع فايفر زي مقلت ومنور ي دكتر🖤

كيف طريقة فتح حساب بايونير لو دير مقطع ع يوتيوب افضل

السلام عليكم ورحمة الله بنشري من الصين علي بابا من مصنع شناطي مجموعة من الشناطي كبداية بنبدا ب 1000دولار ل 1500 امتا نتفق مع المصنع هل عند شركة الشحن او لما نلكم اللي بيخلص الفاتورة و الله معاد فهمت بالضبط او نتفق عند شركة الشحن و نخلصهم و نعطي العنوان للمصنع بعدين نمشي للي يخلص الفاتورة شكرا و رحم الله والديك على كل حال

اهلا.. نبي نستفسر كيف نكبر صفحتي وتنشهر ونزيد مبيعات؟ نبيع في ملابس، احذية، شناطي... اي شي تبيه الزبونة. شكرا

التسويق بالعملة في مدخول اكويس ولا لا وهل في تكلفة ام لا

كيف حال أحمد الفترة هذه؟

اهلين دكتور أحمد بالله اني كل ماندير حساب ف علي بابا وبعد مانتفاهم معاهم ع البضاعة الي نبيها يسكرولي حسابي مافهمتش شن المشكلة بالزبط

دكتور مرة تكلمنا احني اللي مشتركين معاك في كورس Fba قولنالك ديرلنا قروب دردشة تيليجرام وانت تكون مسؤول فيه عالاقل اللي ناقصاته معلومة يكمل للاخر وتقل عليك الرسائل قولت تمام حاضر والي الان مفي شي

كورس الموقع في حالة الواحد تأخر ومسجلش مع ال25 نفر وقالك نبي الكورس بدون ماتكون متابع معاه وترد على اسئلته عادي تبيعله الكورس ؟؟؟

نخدم في محل 12 ساعة ولا ندير الجهد هدا في مشروع نديره خير 🤔

هاري مغواير

عاطيني مايك اهديه معروف مننساشي والله

نبو نسمعوا قصة كفاحك باش وصلت لنجاح هذا كيف بديت وكيف تعلمت ومن وين بديت تعلمت بروحك ولا حد ساعدك .. عادي احكينا قصة نجاحك للمتابعين تكون نقطة تحفيز ليهم

نبو نسمعوا قصة كفاحك باش وصلت لنجاح هذا كيف بديت وكيف تعلمت ومن وين بديت تعلمت بروحك ولا حد ساعدك .. عادي احكينا قصة نجاحك للمتابعين تكون نقطة تحفيز ليهم

منور دكتور الحمد لله بعد الكورس الامور ماشية عشرة ع العشرة شوف التليقرام بعتلك سكرين بي مبيعاتي على امازون

شن العملة الي مستثمر فيها حاليا ومتوقعها ادير هلبا x

ماهي اسباب ضعف الدولة العثمانية؟

ربي يحفظك يا غالي و نبو خدمة في الصيدلية الـ ساعة في الصيدلية بـ 20. د.ل و معاها عشاء مادابيك الروبيان أو حاجة افضل منه لو تعرف و يكون في الصيدلية PS5 اشتراك نتفلكس مجاني و تأمين صحي و سفرة كل ثلاث شهور. و ربي يعاونك .. العرض ساري لمدة ثلاث دقائق فكر و قولي

لما بندير اعلان ممول لمنتج خاص بيا شن رايك هل اندير اقل عدد ايام واعلي نسب مشاهده مثلا 3 ايام توصل لي 90الف ولا نخلي عدد 6 ايام وتوصل 90 الف المخلص تقليص الوقت يأثر علي النتائج بالايجاب او السلب

لو البنت الي انت معجب بها جت وقتلك اني معجبه بيك شن حادير ههههه

شن رايك في التعدين في ليبيا هل مشروعه ناجح ولا دوشة ونفخ وخلاص؟

كيف نسوق كويس

I really don't know alot about you and I don't know if you know me, but I felt like I did something wrong and I should apologize

وشقلنش حننش لحسة مدرجة ويوو وعفوان لانكم مقلتوش شكران

عندي. نية ندير براند روائح خاص بيا شن تنصحني؟

عندي. نية ندير براند روائح خاص بيا شن تنصحني؟

زعيم يادكتور ربي يوفقك

دكترة لو نبي ندير مثلا حاجة معينة في مصانع نتواصل معاهم ويصنعوهالي ، ساعة او طوق يكون فيه جي بي اس

يادكتور لو بنجيب منتجات من علي بابا لكن من اكثر من تاجر بعدين كل حاجة بيجيني شحنها بروحه ؟ولا شركة الشحن اللي حنتفاهم معاها تشحنهولي مع بعضه ؟ وكم الوزن الخفيف اللي تنصح مانفوتاش ؟

اين افضل شركة الشاهين ولا فلاي ليبيا في المواعيد و الأسعار

احمد ماعرفتنيش اكيد وله

مش عارف اقولك وحشتني ولا كسرتني

"لا زلت تعني لي الكثير ، لكنَك لم تعد تستحق المحاربة"

ضروري فيزا عشان نشري من امازون؟بعدين كيف يوصلوها هنا ولا نتعامل شركة شحن؟بالله كان تعرف يا دكتور قولي 😅

مرحبا، نبي نجيب بضاعة من علي بابا ولا من شي إن ونقعد نبيع فيها هنا، شن رايك ف الموضوع و شركات التوصيل هي الي تدفع الفاتورة بالدولار للمواقع ونا نخلصها ليهم هنا باليبي ولا

دكتور قولنا على شركة شحن تكون تشحن خارج ليبيا

عمرك سحبت علي حد وهو مايستهلش

لما نجيب منتج من الصين وهو يبدا سعره 50 ولا اكثر اشوية وبعتة ب 150 هكي اني عطيت قيمه للمنتج ولا اني مغلااوي

تعرف شركة تشحن في حسبات Alipay؟ دكتور

ربي يعاونك ويفتحها قدامك إن شاء الله بجد تستاهل كل خير ف مساعدتك وشرحك يالي تعطي فيه وياخد من وقتك ❤❤❤بارك الله فيك

في اما عمر بديت في الكربتو وكم ليك سنه مستثمر فيه

اندومي ولا كسكسي 🤔

ماذا لو عاد معتذراً (الأجابة على حسب الشخص الي طرا ع بالك لما قرئت السؤال )

Friends or office 😂😂😂😂😂

شني الحاجات الاساسيات الواحد يركز عليها في الاستهداف في اعلانات الممولة الفيسبوك؟

يادكتور قلتلك ع منتجي ولي توا اكسسوارات ونبي ندير براند خاص بيا ف شن تنصحني قاعد نستنا ف اجابتك🤍

لو كنت مظايق شن ادير

كم هو العمر الي تشوف فيه مناسب بينك وبين شريكة حياتك

بعد الشهادة الثانوية نفكر نخش نقرا صيدلة بنقعد كم سنة فيها باش نبدا نقدر نخدم في صيدلية ومرتب ضعيف وفي ناس دورة تدريبة شوية شهور ويخدمو زي يلي قاري حسيت لموضوع غريب المهم لو بنفكر نفتح صيدلية كم يكلف رأس المال وهل ناجحة وشكرا ليك موفق .

شن شعورك ونص البنات مكرشات عليك 😅ابسط ياعم 😂

عندي احساس الي مكرشات عليك كلهم خشات يسئلو الا الي مكرش علها 😅متندريش عليك حي والا ميت 😁

من اي منطقة يالي تبي تتزوجها

هل هنسمع انك تزوجت قريب

حاط كم وحده في بالك توا

منتجي اكسسوارات

دكتور رد على سؤالي الله يرحم والديك امازون fba شن وضعة

المتاح للجميع ليس ملفت 🙃

صح كلهم مدايرينك كراشهم قهروني معش خلولنا فرصة

😁?What if your old love came back apologizing

خسارة كيف درتك كراشي لاكن الباين كلهم مدايرينك كراشهم 😂💔

باهي كيف نوتها الفاتوره نقول لي التاجر يديرلي فاتوره والا كيف مفهمتش ووووه 😞

If a girl tells you that she wants to marry you, what do you do؟ 😅 🤭By the way, it's just a question

من هو الفنان الي يقولو عليه يشبهك

دكتور نبي ندير علامتي تجاريه على منتج متاعي من تعرف حد ولا وين يديرو فيهم؟

It's seems have some crush on u 🙈🙈🙈

متى بتتزوج و شنو صفات الزوجة الي تبغاها

شن هو السبب الي خلاك ماتتجوزش لي عند توا اني نحس فيك عينك زايغه 😂😂😂كل يوم تعجبك وحده وتشوف غيرها وتبطل وهكي 😂😂😂

فوتها آنك تبي وحده تلبس في نظارات مش نقدرو نتفاهمو ههه😂

ندمت علي خسارة حد

بالله الدروبشيببنغ كم المبلغ اللازم للبدء فيه؟؟

لو بنفتح صيدلية قداش نبي عشان نرد راس المال لي بديت بيه

شن تحس ناقصك الوقت هذا ؟

علاش طب مش تمام من اي ناحية

بدك تتزوج مغربية 🙂

تعرفش حد يبي خدمه توصيل 🚚 اي حاجه صرلنه هبوط نبو خدمه انقدنه يا دكتور

?Have you ever fallen in love before

اكثر شخص ليبي الجنسية استفدت منه ❤️‍🔥 رد بالك تسيبنا ي دكتوورنا ❣️🤍

تغيرلنا في جونا في الفيس يا دوك 😂❤️‍🔥معاش تصكره بالله

امتي بتفتح لايف

استفذت منك هلبة في نظام البزنس ، صح مش مجالي لكن حببتني في الموضوع و بديت نفهم فيه كويس و صعب حد يقدر يفوته عليا .. مشكور جدا

نعتبر فيك قدوه والله ربي يوفقك ويا ريت كيف يبداء عندك وقت ممكن اتكون فيه فاضي نبي نتلاقه معاك نبي استشارتك في هلبا امور واستمر وربي يحفظك دكتور

الله يبارك على وسعة البال راد على الكل ما عندي ما نقول الا بارك الله فيك ع معلومات قبل كم سنة خشيت ع العملات الرقمية وانت من اول الناس الي ساعدني ف الشي هذا لو ترجع لمحتوى اليوتيوب ودير مونتاج قوي متاكد بتكون من التوب ف ليبيا لان محتواك قوي وناقص عندنا

سلام عليكم د.احمد ديمة منور بفاعلياتك نبي منك تعطيني مثال لما بنجي بنوصي ع بضاعة مثلا ع شركة فلاى ليبيا.... انت شخصيا كيف تدير تمشي لحى الاندلس ولا كله ع النت وشن الحاجات الي نطلبها لما نتكلم معاهم وأما افضل شركة تتعامل معاها لتوا من بين الي ذكرتهم في الستوريات الي فاتو

تعرف انك حلو وتعجب فيا 🥹🥹

اولا نشكرك على تواضعك و المعلومات الي يعطي فيها و استفدت منها هلبا ., اني تعلمت التسويق و كيف نختار المنتج و تقريبا كل شيء قلته المده الر فاتت لقيت منتج في على بابا لكن على قد ما دورت على (مصّنع/manufacturer) للمنتج هذا ملقيتش لكن التجار الي لقيتهم عمر متجرهم 8 و 10 و 14 و فيه 16 سنة لكن كلهم تريدنق كامبني!!

?What is family for you

عندي 8الاف شن تنصحني ندير بيهم مشروع بناتي يعني 😁

شخص خدوم وطموح وجوك من لاخير وعزيز اعليا هلبا وموقفك معاي مننساشي ربي يحفظك دكتور

Tell her, maybe she likes you too

السلام عليكم منور دكتور احمد على نصايح بس وين ايبيعوا فيهن ليرات ذهب

Have you ever liked a girl on social media

Single or taken

دكتور شحن الكترونات من برا زي خيوط شحن سماعات ساعات اي شن شن وضعهم زعما مانلقاهمش مضروبات؟

قلبي 🥲💗💗

دكتور ولله خاطري نفتح متجر إلكتروني يكون مميز لاكن معرفتش او تقدر تقول محصلتش حاجه مميزه نفتح علاها مشروع بالله ب شن تنصحني🤍

عادي شريكة حياتك متكونش طرابلسية😆؟

الله يفتح عليك وينور دربك .. انت وقفت معايا في اسوء ايام كانوا في حياتي بالرغم من عدم معرفتي بيك ولكن الشيء هذا خلاني في كل صلاة ندعيلك

لو بديت فحشي للناس من زمان فالتجارة الالكترونية لاكن بعقلك توا ،، كم تبي وقت بش تحصل 200 الف دولار ؟

شن الموضوع يلي صارلك زمان بش بديت تخدم ؟

هل يهمك الفارق العمري بينك وبين شريكة حياتك؟وكم تحب يكون

هي نتزوجو دكتور فيك كل المواصفات يلي نبيهم في شريك حياتي ورا نلبس في نظارات🕺🏻😂

ربي يوفقك ف حياتك ويعطيك ما تتمنى ويردلك منفعتك للناس🫶🏻

دكتور أحمد بالله ساعدني بس مش طالب فلوس اني طالب منك توجيه اقسم بالله ضاقت بيا بالتريس عمري 26 و راس مالي الف دينار حتى سيارة ماعنديش

شن هيا المواصفات الي تحب تكون في شريكة حياتك وامتي بنفرحو بيك 😁عطلت

هل تعرف شباب ليبين يخدمو ريموتلي لشركات اجنبية وشن رايك في الموضوع؟

😂المهم انت انسان كويس لانه استفدت منك واجد من ناحيه الشراء عن طريق الانترنت وتوا نخدم نلقى في فلوس باش نجيب بضاعه المهم كان صار مني مش راح ننساك